ምልክታ ግልፂ ጨረታ

ማሕበር ልምዓት ትግራይ ፅሬቱ ዝሓለወ ናይ ህፃናት ምጥን ፕላስ (Mitin Plus) ኣዳልዮም ዘቕርቡ ትካላት ኣወዳዲሩ ክዕድግ ይደሊ፡፡ ስለዝኾነ ድማ ካብዚ ብታሕቲ ዝተዘርዘሩ ሮቛሒታት እተማልኡ ዝምልከተኩም ኣካላት ንክትወዳደሩ ይዕድም፡፡

1. ናይ 2018 ዓም በቲ ዘርፊ ስራሕ ዝተሓደሰ ንግዲ ፍቓድ ዘለዎ፡

2. መለለዪ ንግዲ ፍቓድ (Tin Number) ምስ ንግዲ ፍቓድ ፎቶ ኮፒ፣

3. ቫት (VAT) ተመዝገብቲ ዝኾኑን ዝተመዝገብሉ መረዳእታ ናይ ወርሒ ጥሪ 2018 ዓ.ም

ዲክላራስዮን ከቕርቡ ዝኸእሉን፣

4. መኽበሪ ጨረታ ብስፒኦ (CPO) ጥራሕ ብር 200,000.00 ብፖስታ ንበይኑ ወይ ድማ ምስ ቴክኒካል ሰነድ ዝሓዘ ፖስታ ብምትሕሓዝ ከቕርቡ ዝኽእሉ፣

5. ካብ ስፐሲፍኬሽን ወፃኢ ስርዝ ድልዝ ኣይፍቀድን፣

6. ውፅኢት ጨረታ ዝገልፅ መአዚዚ ዕደጋ (Purchase Order) ካብ ዝወሰደሉ ዕለት ጀሚሩ ኣብ ውሽጢ 2 መዓልቲ 10% ናይ ዝመልኦ ዋጋ (ካብ ናይ ሓደ ወርሒ ጠለብ ዝግበጥ) መኸበሪ ውዕሊ ብምቕራብን ዘየማትእ ውዕሊ ብምእሳርን ኣብ ዝእሰር ውዕሊ ብንፁር ኣብ ዝተቐመጠ ጊዜ ገደብን ዝድለ መጠን ምጥንን ከቕርብ ዝኸእል፡፡

7. እቲ ዋጋ ክምላእ ከሎ ምስ VAI ምዃኑን ዘይምዃኑን ብንፁር ክቕመጥ ኣለዎ፡፡ ብንፁር እንተዘይተፈሊጡ ምስ VAI ከምዝተመልአ ተሓሳቢ ይግበር፡፡

8. ተጫረትቲ ሰነድ ጨረታ ፋይናንስሻልን ቴክኒካልን ነኒ በይኑ ብፖስታ ብምዕሻግ ማህተም ገይሮም ከቕርቡ ኣለዎም፣

9. ትካልና 20% ናይቲ ምጥን ምውሳኸን ምንካይን ይኸእል፣

10. ኣብቲ ሰነድ ጨረታ ሙሉእ ሽምን ማህተምን እቲ ትካል ክጥቀስ ይግባእ፣

11. ዝርዝር ሰነድ ጨረታ ኣብ ዋና ቤት ፅሕፈት ማሕበር ልምዓት ትግራይ (ፊት ንፊት ቤተ መንግስቲ ሃፀይ ዮሃንስ) ቢሮ ቑፅሪ 430 እዚ ምልክታ ካብ ዝወፀሉ ዕለት ጀሚሩ ኣብ ስራሕ ሰዓት ብር 200.00 ብምኽፋል ምውሳድ ይኸእሉ፣

12. ትካልና እቲ ጨረታ ብሙሉእ ይኹን ብኽፋል ናይ ምስራዝ መሰለ ዝተሓለወ እዩ፣

13. እዚ ጨረታ ዕለት 02/08/2018 ዓ.ም ሰዓት 8፡30 ተዓፅዩ ኣብቲ ዕለት ሰዓት 9:00 ኣብ ቤት ፅሕፈት ማ.ል.ት ቢሮ ቑፅሪ 410 ይኸፈት፡፡